اصرخ يا جرحي..بقلم عبير الجندي..

:::""اصـــرخْ ...يااااجـــرحـــي""":::
........................................
اصرخْ يااااجرحي....
بس مين يسمع انينك ؟
أصرخْ بأعلى صوتك....
واكتب....
بدمع العين آهاتك
ارسم حروف الحزن
وفوق سطورك....
سجل الآلام عنوان
اصرخ وقول كمان....
ليه يازمن....
الحب هان
ليه اتبدلت ازمان
والشوق ليه انطفى.....
ليه مات الأمان
ليه مات الحب...
قبل ماتنقاد الشموع
ابكي ياآهة مكبوتة...
بتوجع....
ف الضلوع
يانفسُ كفاية عذاب....
وحيرة ....
من جروحي
العين بتنزف صدأ...
والجفن اصبح ضبابة
وعالم البشر يانفس....
مليان ديابة
ياناس قولوا لى....
احنافي دنيا....
ولا غابة
اصرخ ياجرحي ياريت...
تلقى ف يوم.....
اجابة
..................
عبيـــر الجنـــــــدي
همسـღـات اســــتثنائــღــة