الميزان
الميزان من العدل خالى
وظلمنى ياعينى خالى
والعذاب اصبح ده حالى
وم الهموم الحيمل مال
الميزان كفا وكفا
واللى جرا ليا كفا
دنيا ووخدنا لفا
والزمن فالكل شفا
وشفنا ف الدنيا الهوال
الميزان بئا حاله مايل
والجميع على كتفه شايل
هم يادنيا وتقايل
ودمع ناس عالخد سايل
يبكو عالبخت اللى مال
الميزان جاى عالغلابه
لجل ماتشبع ديابه
وهو ده ياخلق حال
حال غلابه عايشه رضيا
وحلمها اصبح محال
والغلا جه ضربه قضيا
ف البيوت جاعو العيال
والجيوب ياعينى فضيا
مافى فيها اى مال
يعمل ايه اب لأسره
الغلا والفقر بصره
وتكسب الهموم ياخال
الغنى عمال بيعلا
والفقير نخ ومال
وبرضه راضى بأى حال
امله يتعدل الميزان
بقلمى صبرى قنديل
شاعر العرب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.