امي بقلم الشاعر على الصعيدي
امى الجميلة المخلصة
ست الكرام الطيبة
روحى اللى ساكنة فيا انا
بعد السلام حبيت اقول
ان الكلام عنك يطول
ومفيش حروف فيه توصفك
مهما تفاوتت العقول
معلش بطلب تسمحى
ابدا واحاول انصفك
واقول كلام مهما يطول
لا هيوفى ولا يوصفك
انتى الامل وسط الالام
انتى الشعاع وسط الظلام
انتى الحروف وسط الكلام
انتى الحقيقة المثبتة
من 1000 حلم ملوش دروب
انتى الحياة قبل الحياة
انتى الشروق بعد الغروب
مهو اصل حضنك ده الحياة
لما احضنك دايما بدوب
وبحس انى ف طوق نجاة
لما المسك بلمس قلوب
واشعر واحس بقوتى
يا احلى حاجة ف دنيتى
اوعاكى تغيبى وتدبلى
بهديكى روحى...تقبلى ؟؟
بهديكى عمرى وفرحتى
ولا يوم اشوفك تزعلى
صوتك نغم مليان حنين
وسما صافية بتنجلى
والثانية من غيرك سنين
والدنيا عندى تنتهى
الدمعة ف وجودك دى روح
والفرحة ف بعادمك دموع
بشبع يا امى بضحكتك
وبدمعتك دايما بجوع
امى العزيزة الطيبة heart رمز تعبيري
معلش بس استحملى
هطلب طلب من حضرتك
ممكن توافقى وتقبلى ؟؟
ف حياتى تكمل فرحتك
ممكن طلب من حضرتك
انزل ابوس على جزمتك heart رمز تعبيري
بحبك يا امى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.