أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الأحد، 15 سبتمبر 2019

إكتب كمان ياقلم.........محمد طلعت

إكتب كمان ياقلم
عـ اللى إنكوى من نار عشقه وإنظلم
إكتب كتير إكتب قصايد مـ العبير
عن قلب متصاب بالألم
إكتبها غنوه فــ حكاياتك وإنشر أصايدك وكتابتك
إرفع بحبك للسلام رايه وعلم
إكتب بحبر ناره ساكنه بين ضلوعك
وفى وريدك يجرى دم عيل صغير يمكن حلم
وعن طفل جاء للحياة فى محياه حاصره الغرق
وعن نجم أضاء الكون يوما ثــــم إحترق
إكتب كمان ياقلم
إرفع شراعك للسفر ...بحر بعيد
إحكى يا واد قصتك عن عشق ملكه لعبد اسود مــ العبيد
رفع عيونه فى وجهها قالت تعالى سلم عليا وقول وزيد
سكت الولد وجاوبت عيونه على السؤال .ما أهو أصله شاطر ومش بليد
رد وقال ......
يا اللى انتى ملكه إزاى اكون بين الملوك وانا مـــ العبيد
ردت وقالت أنا بوعدك أنزل بتاج المملكه علشانك انت ودا أكيد
رد الولد وعيونه تصرخ من الدموع أنا اللى عاشقك ودا من زمان ...زمن بعيد
سكتت وقالت خلينا ننسى حزننا وتعالى نهرب ونعيش سوا بين الشجر تحت الجليد
رد وقال الولد...أنا هاطلبك من أيد أبوكى
..انا مش جبان ولا إنى عيل عقله عنيد
قالت بلاش راح تتقتل ..رد وقال
إدفنينى بين ضلوعك ...............بلسانك إدعى بالسماح
ادعى ربك فـــــ السجود قولى انه كان عاشقنى بس راح
وفى صلاه الفجر اندهى بصوتك عليا هتلاقينى باسمك انتى بندهك وب الصياح
خلينى بس اطلبك واشفى جروحى من الألم
ماهو اصلى جسمى فى بعدك انتى سكنته كل الجراح
نزل الولد للملكه
شاور بايده للحرس وقال قابلونى بوزيركم والملك من غير عبيد
رد عبد من الحرس وقاله العب يا ولد يا إمشى ابعد بعــــــــيد
علااا صوته يا ملك ...
طلع الملك قال امسكوه ..كتفوا الايد اللى شاورت وخلوا بجسمه النار تئييد
صرخ الولد مولاى اسمع ..رد الملك مسمعش منك شيء جديد
ازاى يا ولد بعيونك انت تشوف أميرتك وتقف معاها تقول ..تزيد
يا حراس
إرموه فى سجن ولا حد يعرف عنه حاجه لا مــ الملوك ولا مــ العبيد
من وقتها صوت الولد مسجون فى قلبه وجوه منه الوجع عمال يزيد
وهى سئلت عنه خادم قالها أبوكى سجنه فى منفى بحر لكن بعيييد
من وقتها تنتظره هى وقلبها مسكون بحزن كأنه نار تحرق حديد
ولا نسمع حتى ليها صوت ولا هو جرحه بيشفى أبداا.....عمال يزيد
إكتب كمان ياقلم
عـ اللى إنكوى من نار عشقه وإنظلم
إكتب كتير إكتب قصايد مـ العبير عن قلب متصاب بالألم
محمد طلعت
L’image contient peut-être : 1 personne

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.