أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الأحد، 15 سبتمبر 2019

حلم ببكره هتقدر تعيش..... بقلم / عاطف بيومى محمد

قصيدة / احلم ببكره هتقدر تعيش
بقلم / عاطف بيومى محمد
لساه بيحلم ازاي يحقق حلمه
بعد لما ايديه اتفكت من ايديها
بص للقمر و بكي قلبه من همه
وافتكر ان واحد غيره بقي ليها
ردد كلام الحب ف سهرته
وبنظره شوق بص عليها
موجوده هي ومليه غرفته
بكل صوره بتلمع فيها عينها
قلبه الحزين نطق قبل لسانه
وبأعلي صوت قلها وحشتيني
ليه حرمتيني منك وعتمتي الدنيا
ليه سبتيني عايش وبرفقتي انيني
انام واصحي اصارع احزاني
واكتب قصيدة ليه قتلتيني
اقول فيها خلاص انتهي زماني
واطرد الكلام اللي بيفسر حنيني
لما انتي كنتي ناويه ترحلي
كنتي علميني ازاي اعيش بعدك تاني
اللي راح راح وبقي (في ماضي)
مهما اخدنا فيه وعووووود
اما اللي جاي اسوأ جريمه
(لانه حاضر) والحاضر مش مفقود
والحاضر ارهابه تملي قاضي
وبأحكامه قاسي ومش رحيم
دي حكمه يستوعبها بس العاقل
ويعمل بيها كل عقل سليم
الحلم عايش بس الصبر قل
والمستقبل بعدك بقي ميؤوس
كل اللي قال بكره جاي أسوأ
هو اللي عايش ف حياتنا كابوس
زي اللي عاش يحلم ب حبيبه
ولاقي حبيبو واحد تاني غيره معاه
فضل صابر ولا مل من انتظاره
وفجأه مات بحياته اللي اتمناه
قطر الزمن مش راكز على محطه
قطر الزمن سايق طريق الاحلام
من قال الحلم ده فتره وهتعدي
طول انت عايش تعالج الايام
العمر ده عباره عن قطر مجرى
ما لهوش رست علشان فيه يريح
سارق سنين العمر بحجه المستقبل
والمستقبل ده بردو مش مريح
والزمن واخذ عهد وتحدي
وقاصد من رحيلك انو يكسرني
وانا مين بس بعدك الجألو
انو يخلي الزمن لدقيقة يرحمني
يا رب انت اللي عالم بيا انا
الفرح عمره ما فكر يزورني
والحزن ساكن بكل شبر بداري
والحلو منه داري راح وودعني
بقول الاه ومين على الاه
غير حبيبي اللي راح يصبرني
ملقتش حد غير نفسي حتي نفسي
اخدت قرر انها تدمرني
مش عارف لو محققتش حلمي
ازاي هقدر اتحدي اعدائي
واعدائي اللي كان حبيبي ثم نفسي
ودول هما اسباب انهياري
كده لازم اثبت للي كان حبيبي
بعد ريحلو انا واحلامي باقي
وقادر احارب الحزن اللي جوايا
وانسي وارجع احلم من تاني
وابين لناس اني مش مهموم
والذكري ذكرا نهتها عواصف زماني
واللي بيتحدي العاشقين بحبيبه
ازاي يقدر بعده ف الدنيا يعيش
دي فكر جاهل مش قادر يعقلها
ان اللي راح الدنيا بسببه مابتنتهيش

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.