سموا وصلوا على نبينا محمد..........بقلمي/ مجدي الشيخ

سموا وصلوا على نبينا محمد
سموا وصلوا على نبينا الزين
وادعولو قولوا.. بارك يارب وخلي
وادعولو ربي يحرسه من العين

سموا وصلوا على نبينا محمد
يوحشني صوته لو عينه بس تغمض
والليل يعدي.. وكأنه كان سنتين
سموا وصلوا على نبينا محمد
وادعولو ربي يحرسه من العين

وعشان جميل بيقولوا طالع لامه
ماشبعش منه ف حضني لما ب اضمه
بقى هوه نور القلب وهوه نور العين
سموا وصلوا على نبينا محمد
وادعولو ربي يحرسه من العين

احلى الليالي عني هيه الليله
والفرحة عندي وعند كل العيله
جايين نغني ف عيد ميلاد الزين
سموا وصلوا على نبينا محمد
وادعولو ربي يحرسه من العين

بقلمي/ مجدي الشيخ