دورو........اشرف ابو شريف

دورو
دورو فى الشوارع فى
الحوارى ورى البيبان
على قصه مكتوبه بدمعها
لقلب انكسرعاش وحدتو
لما اطعن من قلب جاحد
كان فى حبو يوم عشمان
دورو على شط البحور
على جزع الشجر على الجدران
فى قلب راسم قصتو والسهم
نافذ اه من الزمن وقسوتو
قتل الامل مات الفرح قطع
الشريان
ودمعه شلها الهوى طارت فى
السما بين السحاب نزلت مطر
طرحت ورود الصحارى لحد
دارى بشكلها ولا حتى لون قلبها
بس نسيم عطرها مالى المكان
ياقلوب عيشه بغلبها بتطعن
وتجرح بعضها تدفع تمن فرحها
اكيال احزان
قالو طيبن قالو فى الزمن مخدعين
دول هما اللى ينكسر ضلعهم لما
نبضد القلب يكون طوفان
دورو قبل الزمن ما يدرينا
قبل ما ياخد الحلو اللى فينا
قبل ما تتمحى اسمينا
دورو ياخلق الله على الانسان
فى الصحارى فى البرارى فى
المدن فى اى مكان
هو الحقيقه الوحيده
دورو فبل ما يفوت الاون
كلمات اشرف ابو شريف