أمة كلام.........رضا عبد الحميد

أمة كلام

📢(أمةكلام)📢

إحنا أمة كلام

عايشين على الأوهام

بندور ع السلام

جوه دروب الظلام

🤝🤝🤝

ملينا مؤتمرات

وتعبنا من الشعارات

يا أمة البطولات

ليه طال بيكى المنام

🤭🤭🤭

الصبر ماعدش نافع

ويّا نيران المدافع

إنتى ف بحر المواجع

عايزه بطل عوام

🏊‍♂️🏊‍♂️🏊‍♂️

أمة صبحت مهانه

بعد الشجاعه جبانه

ولا عدش ليها مكانه

ولا كلمه ولا احترام

📖📖📖

مين ليكى يافلسطين

ياجرح دَوّب سنين

وليه صلاح الدين

مانزلش م الأرحام

🐎🐎🐎

فى كل مكان آهات

ودمنا شلالات

ومدافع وطيارات

كالنمل وكالحمام

🚁🚁🚁

وكل يوم نشوف

الموت يزيدنا خوف

أوم يا محمد شوف

حال أمة الإسلام

🕋🕋🕋

شوف أمة المليار

مالهاش بالصوت قرار

مهزومه باستمرار

علطول أمة كلام

(كلام)
شاعر الإحساس
رضا عبد الحميد