غربه
======
ولسه القلب فى البعد بيتجلد
ولسه الاه فيه مخاض تتولد
والعقل تاه غيبه هزيان
وان عاد ساعه قالو شرد
ولسه احلامى مغتاله
ولسه كتافى حماله
وبانى رغم كل همومى
وانادى يا حلمى تعاله
وبكره شايفه فى شعاع الضى
بيده الفرج مصاحب جاى
نكر الصحاب حالى نهرو
قالو نهارك ما جى
يا احلامى المسروقه بنادى
ليه فى وادى وانا بوادى
تزيدى مسافه البعد
حلفتى ليه على بعادى
مهما اطوى او اقرب
لسه بردو متغرب
عطشان ما راوينى قرب
ولا قادر انى اقرب
نكرنى حضن اوطانى
كان الحنين له عنوانى
فى غيبه الغربه رمانى
لكنى هاعود تانى
بقلمى / حاتم صلاح
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.