مناقشة مملة ..
مستكنيص !!
( الميم و التاء مكسورتان ب الكسرة ..
توضع علامة سكون علي النون ..
والفاتحة علي الياء ف النطق ) ..
كلمة غريبة !!
من ضمن كلمات كثيرة !!
ألفوها و اخترعوها الشباب المصريين ..
و ادخلوها في عالمهم اللغوي الخاص ..
مناقشة مع طالب تعليم راقي ف الجامعة الألمانية ..
عمو :
إنت ها تستكنيص فين السنة دي ؟؟
نظرت اليه نظره صائبة شائكة ..
فيها استغراب ب ابتسامة شائبة ..
قولت له :
مش فاهم قصدك إيه ؟؟
نظر لي وك أني من كوكب عطارد ..
قال لي :
عمو ب جد حضرتك ما تعرفش يعني إيه مستكنيص ؟؟
ردي كان ب ابتسامة لم استطيع الكلام بعدها ..
قال لي :
شوف يا عمو مستكنيص يعني تستجم ..
قولت له :
ليه ما تقولشي تستجم ..
احسن و افضل ..
قال لي :
لغة قديمة ..
قولت له :
و إنت يا نجم ..
ها تستكنيص السنة دي فين ..
قال لي :
و الله يا برنس ..
لسة ب نفكر و حضرتك ..
قولت له :
انا لسه مفكرتش أشهيص فين !!
( فاتحة ع الشين و توضع سكون ع الهاء ..
و فاتحة علي الياء ف النطق ) ..
قال لي :
يعني إيه تشهيص ؟؟
قولت له :
دي لغة جديدة ..
أصل استكنيص بتاعتكم دى لغة قديمة ..
اللغة دى لسة فريش ..
قال لي :
و الله ياعمو انت جامد جدي ..
قلت له :
يعنى إيه جدي ..
قال لي :
يعني جدا ..
قولت له :
وانت من جيل ..
الهبل ف الجبل ..
و الهطل ف الخبل ..
أومال لو كنت اتعلمت تعليم حكومي !!
كنت عملت ايه ؟؟
قالي : يعني ايه تعليم حكومه ..
نظرت اليه نظرة فاتكة هالكة ..
قولت له :
تسمحلي اضربك شلوط ..
جامد جدى جدى ..
علشان تفوق و تصحصح معايا يا جدي ..
قال لي :
والله انت عسل يا عمو ..
قلت له ..
و انت ملزق خالص مالص ..
قال لي :
حضرتك دمك خفيف جدي ..
قلت له :
إصلي ب شرب مية كتير ..
طبعا وبلا شك هذه النوعية موجودة ..
ف كل البلاد العربية ..
غير مختصرة ف بلدي مصر بس ..
بشرى ايها الوطن العربي ..
الجيل الجديد ..
ها يبني جدرانك ..
ب سواعد من البسكويت ..
هذا ب التأكيد ..
هذيان قلم :
: محفوظ البراموني :
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.