أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الخميس، 12 يوليو 2018

عيون عسلية بقلم د .ملك محمود الأصفر


قصيدة باللهجة العامية الشامية.... 
بعنوان .... عيون عسلية .... بقلمي ....
...............................................
قللي زرعيني بقلبك 
شي زهرة برية 
وسقيني شهد الحب 
يا حبيبتي يومية 
غفيني بين جفون 
وعيون عسلية 
نسيني كل الكون 
وتغلغلي فيي 
.............................
قلتلو إنت هون 
بقلبي غافي 
إنت نبض هالقلب 
وإنت الدوا الشافي 
إنت ربيع العمر 
وكاس الهوى الصافي 
وإنت عبير الروح 
وغنية ع شفافي 
..............................
قللي أنا مشتاق 
ضمك بإيديي 
وقدم نجوم الليل 
لعيونك هدية 
قلبي بحبك داب 
لا تبخلي عليي 
يام الضفاير سود 
وخدود وردية 
................................
قلتلو أحلى كلام 
نابع من شغافي 
متل همسات البحر 
ونسيمو الدافي 
واكتبت أحلى شعر 
من أحلى القوافي 
وقلتلو إنت العمر 
وبرقتك مافي 
.....................................................
د .ملك محمود الأصفر

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.