في ناس محظوظه في الدنيا
وناس ع الحظ بتدور
وناس تتمني لو ثانيه
تعيش الفرح مش اكتر
وناس لما تصادف حلو
ساعتها الحلو بيمرر
وناس عاشت سنين وسنين
مناها الحلم يتفسر
وناس لما بتيجي سيرتها
ساعتها كلامنا يتعطر
وناس مهما تقرب منا
بنبعد عنهم اكتر
وناس القرش ياما في ايدها
وعالغلبان بتستكتر
وأهي دنيا وعايشنها
بافراحها واحزانها
يجوز مرة تحن علينا
ساعتها أمورنا تتدبر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.