خـِـلــــوة حــيــــــــــــا ة
الموت ..
مش حد مات وارتاح
ولا روح تفارق
ولا نور وشارق ..
وانطفى
الموت ...دفا
لما الحياة تصبح جليد
لما الدموع
والنهنهة تملا بلالين الفرح
والورد ينسل برشاقة
م العيدان
والشوك ... طرح
والعيد ...بعيد
يا حلم راح ..
يا فاس بتزرع فى البراح
مليون وجع
الأرض اهى متمهدة
ومهدهدة..
كل البذور
الزرع مش محتاج لنور
ولا مية عذبة
تطفى نار ريق العطش
ولا ايد خشب
ولاإيد... فلاح
وشمس كانت
تخنق الليل تشنقه
وتعدى برضو ألف سور
والنور ..سلاح
جامد ..دباح
يا طلة شمس نورها اتقاد
فى نظرة عين
لواد عباد
فين القداسة للى مات
ولا الصراخ
أصبح سكات ؟
...............
بــقــــلـــــــم ا لــــشــــــــا عـــــــــــر
أ بــــــو عـــــمــــــــا ر ا لــــمـــــصـــــــــــر ى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.