عالم عجيب
ءءءءءءءء
عالم عجيب بصحيح
الناس بقت تماسيح
عماله تاكل بعضها
والكل بات مجاريح
جتت كتير مطاريح
والحدادى جت تنادى
والصقور عادت تدور
مبقاش يطير عصفور
شارد فى وسط الريح
عن سكه فيها يروح
والدنيا توهة
وإنطفت الزينه والمصابيح
فيه ناس قلوبها بتنفطر
وناس قلوبهم من حجر
لا حد فيهم بيسامح
ولا حدمنهم له ملامح
زى البشر
والأقوى هو المنتصر
ماتت دموعهم فى العيون
بقت الحياة شك وظنون
ونذير خطر
معدش حد صريح
و لا حد عايز يعتبر
لا بد من تصحيح
#محمود #كامل #مصطفى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.