بدادى...بقلم "محمد العليمي"

بدادى
**********
بدادى البنت واحايلها
واوصف ليها الجنه
واعلمها ازاى تتوضى
بمية نور من ايه فى القران
واحاول اذكى روحها
بحديث نبوى صحيح
ولما احب اضحكها
اقولها كام حكمه
على كام كلمة مأثوره
ولما تقولى اتفرج
على المحروق
توجع قلبى واتحسر
على شاشات فاسده ومأجوره
واقعد ساعات
اوصف انها
فتنه مبدوره
فى غيط ياسمين
ومقصوده تطلعك من دين
ربك ليوم الدين
ومره بالموضه
ومره بطبخه مسمومه
ومره بهمس لعشاق خاينين
او تفتح عيون الولاد
على الفتنه باعلان
خبيث و بسحرلعين
ومهما عملت انا
عارف انى انا غارق
بسفينتى لو ما
اتمسكت بسفينه دين
بس دلونى اهرب فين
ولمين الا بالرحمن
يحرسنى وولادى ليوم الدين
بقلم //محمد العليمى