انا نفسي ...بقلم الشاعره المتالقه ...مياده محمد ..
&&&&&&&&&&&&&&&&&&&&&&&&&&&&&&&&&&&&&&&&&&&&&
انا نفسي انام ولا اقوم
واقضي حياتي ك نايم
جوايا هموم بالكوم
بحر وانا فيها العايم
عايشين في زمان مظلوم
ولا عارفين مين الظالم
وديابة كتير بتحوم
وبتنهش أملي الحالم
طاب اسلم وامشي بعيد ؟
ولا احسن أمد الايد ؟
ولاافضل جنب الحيط ؟
من غير ما اعيد وازيد ؟
انا نفسي اكون مبسوطة
اه يانا على الانسان
طفح الاحلام* بالكوتة
ضيع ايامه حيران
احلام كلها بتموت
وردود افعالي سكوت
تفتكرو هياجي اليوم
وألبس افراحي هدوم
وأعيش كدا ملو هدومي
واتكلم وافضل اعافر
عن حلمي بدون ماتنازل
ولا تملى سمايا غيوم
كان نفسي اكمل فيك
ياحلم ياأحلى مافيك
ليه شجاعة ماتت فيا
وبرائتك ضاقت بيك
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.