#حنين_اخضر....بقلم الشاعر المتالق حسام محمود
طب نقطه و من أول سطري
أنا هبدأ من تانى القصه
من أول نبضه بشوق خاطري
لنهاية ضحكه بنحو ترسي
نبتدي من أول نبضة شوق
كات نبضه بتتملك مني
و بترسم ليلي بخوف ممروء
مسروق من حلم متوهنى
غلبنى معاه
دا أنا يمشى وراه
لمنين ميروح
بتعكز ف السكه بموال
بأماني محال
امانيها تبوح
انا حلمى يا ناس كان على آدي
مارسمش طموح
كان بس يادوب راسم خطين
كان حلم حزين
كان آخره دموع مرسومه ف عين
كان حلم تملي مغلبنى
كان ديما هو اللى غلبنى
كان اه بآنين
كملت السكه و للآخر
و أنا خايف الآه لتكون آخر
بستحمل وجعوا بروح ساخر
و بقول عدت
بكره الأيام راح تتعدل
و الحمل مسيره هيتبدل
و إللى زمان بالغصب اتآجل
على كتفي هيسري و هيمدد
و ف ثانيه الدنيا بتتغير
كواليسها بقت مسرح كوميدي
قناديلها عليا بتتمايل
و الضحكه بقت سلسال امدي
و تحالف رابط بين حظي
و بين كل سبيل على بكره يطل
و أماني بترسم تناهيدها
و حنين بيهل
و سنين بتفوت
و عنين تتأمل ف المﻻكوت
و سراب افراح على عودي يفوت
يتمايل على أوتار قدري
طب نقطه و من أول سطري
#حنين_اخضر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.