“بشوفك”...بقلم الشاعر المتالق ...أحمد الشيخ ...
بشوفك وانتى طالعه الصبح تتخفى من الديَان
بشوفك ضربى جوه القسم تتشفى ف ابن جبان
بشوفك جوعى وذلى لرغيفك فلايكفى فأموت عطشان
بشوفك لفه على شغله لبعد الضهر تتلفى وأدوس حفيان
“2”
بشوفك كل مره من بره كإنى غريب
بشوفك فكره حره مضطره على التعذيب
بشوفك أم متباعه بدون سعرك بأمر الديب
بشوفك هده لحيل عبيد قصرك يقولوا نصيب
“3”
بشوفك وإنتى بتعانى ف قهرك لما تتهانى
وأشوفك وإنتى وجعانى ف ضهرك لماتتخانى
بشوفك وإنتى سكرانه ف وش الفجر جيَانى
وأشوفك جنبى ف الجامع ف يوم تانى
احمد الشيخ
شكرا جزيلا :)
ردحذف